WILLEMSTAD - Ayera alrededor di 18.35’or polis a haña notifikashon for di St. Elisabeth Hospital ku e víktima Taino Gerrt Heinrich Cijntje, nasé na Kòrsou, 8 yüni 1993, ku tabata envolví den un aksidente dia 9 di febrüari 2012 riba Kaminda Fifi Römer a fayesé.
Relato: Djaweps 9 febrüari 2012, alrededor di 19.25’or Sentral di Polis a dirigí un patruya na Kaya Fifi Römer na altura di un kas, pa un aksidente di tráfiko ku herido. For di un investigashon preliminar na e sitio a resultá ku shofùr di un outo ku tabata kore riba e kaminda ariba menshoná ku intenshon di lora na su man robes pa drenta su kurá di kas. Nèt na e momentu ei un motosikleta tabata biniendo di direkshon kontrali ku konsekuensia ku e motosaikel a dal den e parti dilanti di e outo. E víktima a risibí múltiple herida na su kurpa i ku ambulans el a keda transportá ku urgensia pa poliklínika di SEHOS pa tratamentu médiko. El a keda interná den kuido intensivo. Awe polis a risibí e informashon manera relatá ariba ku e víktima a fayesé. Investigashon ta kontinuá.
Taino Cijntje di dos morto di tráfiko 2012
- 21 February 2012
- administrator
Hóben kompletamente bou di influensia di alkohòl; Polis ta aktua ku man duru ku esnan ku no ta sigui òrdu
- 30 January 2012
- administrator
WILLEMSTAD - Djasabra polis mester a detené e hòmber sospechoso R.B. di 19 aña di edat, debí ku e no a duna oido na òrdu di polis. Tabata durante di e Jump Up di djasabra anochi nèt na altura di un panaderia riba Stoppelweg, ku polis a nota algun persona ku tabata trese nan mes den peliger dor di kana pegá pegá ku un trailer ku tabata den moveshon. Polis a aserká e personanan pa kita for di den banda di e trailer. E hòmber R.B. ku tabata tene na e trailer, no a duna oido na òrdu di polis. Polis a bai na detené e sospechoso kual tabata kompletamente bou di influensia di alkohòl i a resistí su detenshon. A transportá e sospechoso pa Warda di Polis, kaminda el a keda enkarselá. Mainta polis a atendé seriamente ku e sospechoso aki riba su komportashon di e anochi anterior i despues e por a bai kas.
Ainda no por haña hòmber di 64 aña di edat; Atrobe un piskadó ta kai na laman
- 30 January 2012
- administrator
WILLEMSTAD – Djasabra último Sentral di Polis a dirigí un patruya na Watamula pa un hòmber ku a kai den laman. Esaki ta bin algun siman despues ku tabatin un akshon grandi di reskate na Shut pa motibu ku un hóben a kai na laman despues ku ola a sorprendé. Na e okashon ei e final tabata bon ya ku a logra saka e hóben for di laman. Den e kaso di djasabra te ainda e resultado no ta muchu alentador.
Polis ku entrada hudisial na Klein Sta. Martha
- 26 January 2012
- administrator
WILLEMSTAD - Ayera alrededor di 15.00’or, Polis a hasi entrada hudisial na un adrès na Klein Sta. Martha (hanchi buriku) buskando (3) sospechoso. E sospechosonan aki ta sospechá di ladronisia ku violensia, kiebro den kas, maltrato i ladronisia di kabritu ku a wòrdu kometé for di luna di novèmber 2011 te ku yanüari 2012. Na yegada di e unidat polisial na e adrès ariba menshoná nan a bin haña riba e tereno tres (3) bibienda. E agentenan a mira un di e sospechosonan i ora ku e hòmber aki a mira e patruya polisial el a sali kore hui bai for di e sitio drenta un mondi den serkania. Polis a start un pèrsiguishon na pia tras di e hòmber aki, pero no a logra deten’é. Den e mondi e unidat polisial a bin dal den un plantashon sustansial di mariwana den hèmbernan blanku di rabu i kaha di limonada di plèstik di 2 lt. A konfiská tur e matanan aki di mariwana pa mas investigashon. Na mes momentu polis a bai na kontrolá den e kasnan. Durante di e investigashon den e kasnan no a haña nada relashoná ku e investigashon. E investigashon den e kaso aki ta kontinuá.
Akshon di outoridatnan riba gruponan pará na snèk na Soto
- 26 January 2012
- administrator
WILLEMSTAD - Outoridatnan a drenta un akshon relámpago pa kontrolá tur esnan ku ta para na snèk den Banda Abou. E kòntròl aki a produsí masha poko, pero ku e polisnan den kombinashon ku SKS a sa di paralisá e área di Soto pa basta ratu. Ta konosí ku e área ei ta hopi kayente i tur ora por mira grupo di hende hòmber inkluso hende muhé sa ta pará einan. Na vários okashon sa tin keho di habitantenan di bochincha ku sa wòrdu formá na e snèk ei. Aktualmente ta chines tin e dos negoshinan ei i tin sospecho ku tin benta di droga tambe ta tuma lugá den e área ei na Soto. Riba e foto por mira momentu di e akshon.
Polis ku entrada hudisial na Klein Sta. Martha
- 26 January 2012
- administrator
WILLEMSTAD - Ayera alrededor di 15.00’or, Polis a hasi entrada hudisial na un adrès na Klein Sta. Martha (hanchi buriku) buskando (3) sospechoso. E sospechosonan aki ta sospechá di ladronisia ku violensia, kiebro den kas, maltrato i ladronisia di kabritu ku a wòrdu kometé for di luna di novèmber 2011 te ku yanüari 2012. Na yegada di e unidat polisial na e adrès ariba menshoná nan a bin haña riba e tereno tres (3) bibienda. E agentenan a mira un di e sospechosonan i ora ku e hòmber aki a mira e patruya polisial el a sali kore hui bai for di e sitio drenta un mondi den serkania. Polis a start un pèrsiguishon na pia tras di e hòmber aki, pero no a logra deten’é. Den e mondi e unidat polisial a bin dal den un plantashon sustansial di mariwana den hèmbernan blanku di rabu i kaha di limonada di plèstik di 2 lt. A konfiská tur e matanan aki di mariwana pa mas investigashon. Na mes momentu polis a bai na kontrolá den e kasnan. Durante di e investigashon den e kasnan no a haña nada relashoná ku e investigashon. E investigashon den e kaso aki ta kontinuá.
Presidente di NAPB Ronaldo Abrahams: Relashon NAPB, SAP, ABVO i minister di Hustisia ta malísimo!
- 21 January 2012
- administrator
WILLEMSTAD - E relashon entre e 3 sindikatonan di polis NAPB, ABVO i SAP ta malísimo. Entre febrüari di 2011 te ku siman pasá e sindikatonan aki a manda no ménos ku 35 karta pa e minister.
For di ougùstùs aña pasá nan no a sinta mas i no tin partisipashon den nada. Ora reuní, minister ta bisa loke e tin di bisa i lanta bai despues.
E 3 sindikatonan a bisa di ke pone Parlamento na altura di e situashon ku ta reina, di manera ku Parlamento por forma su mes opinion.
Minister Wilsoe: Miembronan di LBD a neglishá transporte di prezu djabièrnè último
- 19 January 2012
- administrator
WILLEMSTAD – Den forma kategóriko minister di hustisia Elmer Wilsoe a distanshá su mes di e anunsio di Bònt di Polis ku a konsehá su miembronan na Landbeveiligingsdienst (LBD) pa no transportá prezu mas. Bònt di Polis a pidi su miembronan na LBD ayera mèrdia pa stòp ku transporte di prezunan te ora tin un sistema adekuá. E sindikato a bisa ku ta for di sèptèmber aña pasá a atvertí pa e situashon. E sindikato a baha pisá riba e minister, bisando ku e minister no tin atenshon pa e situashon aki. Minister Wilsoe a bisa awe mainta na Radio Hoyer ku debidamente e tres polis ku mester a kuida e prezu ku a hui djabièrnè tabata negligente den e kaso. A trasladá tur tres pa otro departamentunan di gobièrnu komo parti di e investigashon ku ta tumando lugá. Minister Wilsoe a splika ku tin proseduranan pa transportá prezunan i no a tene kuenta ku e proseduranan aki. Na prizon, na momentu ku a rekohé e prezu djabièrnè, un di e polisnan di LBD so a atendé ku e prezu poniendo e buinan na su pia i man. E dos otronan a bai “laba man”.
DST i Atrako Tim ku 2 detenshon den oranan di mardugá
- 19 January 2012
- administrator
WILLEMSTAD - E ekipo di Departamentu di Atrako den oranan di awe mardugá mester a bai algun direkshon pa detené sospechosonan di kasonan di atrako. Segun informashon ku LA PRENSA a risibí ta mustra ku e Tim di DST huntu ku Tim di Atrako tabatin entradanan hudisial i a bishitá 3 direkshon ku tabata na Gato, Kaya Falcon i Zuiderzeestraat. Durante e entrada aki a realisá 2 detenshon, miéntras ku na Gato a konfiská un outo di marka Toyota Tercel. Outoridatnan polisial den nan komunikado ta relata ku kontinuando ku investigashon relashoná ku dos kaso di ladronisia ku violensia ku a tuma lugá den luna di novèmber 2011, polis a hasi entrada hudisial den dos kas na dos diferente adrès.
