WILLEMSTAD - Sint Maarten ta konsiderá e situashon relashoná ku e problemátika ku presidente di Banko Sentral di Kòrsou i Sint Maarten, hopi delikado. Konseho di Minister na Sint Maarten ta sigui e desaroyonan aki hopi di aserka. Segun promé minister di Sint Maarten, Sarah Wescot-Williams, a komentá, e situashon ta hopi delikado. Den un komunikado di Departamentu di Komunikashon di gobièrnu di Sint Maarten, premier Wescot-Williams a anunsiá ku Konseho di Minister ta reunà pronto, den seshon stratégiko riba e posishon di pais enkuanto asuntunan monetario i tópikonan. Wescot-Williams, vise promé minister Theo Heyliger i minister di Finansa, Hiro Shigemoto a reunà ku Emsley Tromp djabièrnè i diskutà riba e situashon aktual ku e institushon finansiero i tambe e desaroyonan na Kòrsou. Emsley Tromp a bishitá Sint Maarten riba invitashon di Shigemoto, pa asistà na e reunion. Manera ta konosà Tromp a akusá promé minister Gerrit i ministernan Hakim i Jamaloodin di iregularidat. Entretantu e ministernan en kuestion a entregá un keho na Ministerio Públiko kontra di Emsley Tromp. E presidente di Banko Sentral tambe a entregá keho kontra dje tres mandatarionan na Ministerio Públiko.
Polis na St. Maarten ku kòntròl riba ekiponan pisá:Famia di hobensita ku a muri den tráfiko ta organisá marcha di protesta
- 11 May 2011
- Journalist
WILLEMSTAD – No solamente aki na Kòrsou tráfiko ta insigur, pero na St. Maarten tambe i esaki awor ta motibu pa organisá un marcha di protesta na e isla aki.
Despues ku djabièrnè último un aksidente horibel a kobra bida di un mucha di 12 aña, Sylvia Lynch ora ku un dòmtrùk a trap’é despues ku el a baha for di bùs di skol, awor famianan a disidà pa organisá un marcha pa mustra nan malkontentu ku e situashon di tráfiko i lokual a tuma lugá.
E shofùr di e dòmtrùk no tabatin reibeweis i tabata un persona ilegal na St. Maarten. Famianan di e vÃktima ta spera ku hopi hende lo asistà na e marcha aki. Loke a hasi e situashon aun mas pió ta ku e shofùr ku a kousa e aksidente a sali liber riba e mesun dia.
E marcha lo sali for di e skol Genevieve de Weever i finalisá unda e aksidente fatal a tuma lugá. Einan lo tene un diskushon rondó di un plan di akshon.
Polis na St. Maarten no a sinta ketu despues di e aksidente fatal aki i mesora a kuminsá aktua i kuminsá ku kòntròlnan di tráfiko.
E kòntròlnan aki tabatin un aspekto pekuliar, ya ku a kuminsá parti but na vehÃkulonan pisá ku tabata kore riba kayanan di St. Maarten for di oranan pèrmitÃ. Polis na St. Maarten ta ehersiendo un maneho awor di sero toleransia pa apliká e oranan di operashon pa vehÃkulonan pisá.
Polis a pone énfasis riba dòmtrùknan igual ku esun ku a kousa e aksidente fatal djabièrnè último. Ekiponan pisá ta prohibà pa operá riba kaya públiko riba dianan di trabou entre 6:30 am i 8:30 am, mèrdia entre 12:00 pm i 2:00 pm i 4:00 pm pa 18:30 pm. Polis a parti vários but na shofùrnan ku tabata operá e tipo di vehÃkulonan aki durante e oranan prohibà aki. Tur esaki pa garantisá seguridat públiko.
Relashoná ku e último desaroyonan aki na St. Maarten, LA PRENSA a drenta den kontakto ku bosero polisial, Reginald Huggins ku a konfirmá ku tipo di reglanan asina aki tambe ta eksistà aki na Kòrsou.
Den dokumentonan ku LA PRENSA a risibà awe ta indiká, ku na mei di aña 2000, Bestuurscollege a saka un Ordenansa Insular ku mester regla tráfiko i uso di kaya públiko pa loke ta trata ekiponan pisá. Tur esaki ta regla den artÃkulo 121.
No ta un sekreto ku aki na Kòrsou durante tur ora di dia tipo di vehÃkulonan pisá ta operá sin tene kuenta ku reglanan establesé. Tur esaki tambe ta kontribuà na un tráfiko mas insigur.
No tin duda ku gobernantenan ku a bin ku e ordenansa aki tabatin algun meta importante ku nan kier a logra si tuma nota den e artÃkulo aki. Un di e metanan ta pa hasi tráfiko mas sigur i reglamento uso di kayanan públiko pa loke ta trata ekiponan pisá ku ta stroba den tráfiko.
Miéntras tantu, ya 11 aña a pasa for di dia ku a pasa e ordenansa aki i tin muchu mas tráfiko riba kayanan di Kòrsou.
Na St. Maarten outoridatnan a kuminsá ku tipo di kontròlnan asina aki despues ku un aksidente fatal a tuma lugá. Tráfiko di Kòrsou tambe ta sklama pa tipo di kòntròlnan igual.
Elekshon na islanan BES
- 03 March 2011
- administrator
KRALENDIJK – Awe mainta a kuminsá eproseso pa elegà e promé Konseho Insular diBoneiru despues ku e isla a bira un munisipiospesial di Ulanda. Tin elekshon tambe na eotro islanan BES, ku ta Saba i Statia. Tambetin elekshon pa Provinciale Staten na Ulanda.Despues di un kampaña lento, awe e mas ku10 mil votadónan na Boneiru a kuminsá akudÃna e diferente urnanan pa asina skohe nan 9representantenan den e órgano parlamentariodi e isla. Remarkabel ta, ku kada partido pora pone 50 kandidato riba nan lista. UPB taesun ku a pone mas tantu: 30 persona. Unmiembro ku ta den Konseho Insular no por tamandatario, segun e reglanan nobo. Sinkulista polÃtiko ta partisipá na e elekshon diawe. E bataya mas fuerte un biaha mas taentre UPB, enkabesá pa Ramonsito Booi denloke probablemente ta su último kampaña. Diotro banda tin Partido Demokrátiko Bonerianoenkabesá pa Robbie Beukenboom. Riba epòtrèt por mira e momentu ku nan a bai votaawe mainta. (Foto kortesia OBS)Durante 5 aña e no por bira diputado: Diputado Loui Laveist kondená na 18 luna di prizòn!
- 28 April 2009
- administrator
PHILIPSBURG – Wes den promé instansia a kondená e diputado Loui Laveist (miembro di Konseho Insular di Sint Maarten) na un kastigu di prizòn di 18 luna di kua 9 ta kondishonal. Ademas e mester paga 5 mil florin di but i den un desishon remarkabel wes a bai di akuerdo ku e demanda di Ministerio Públiko pa durante 5 aña Laveist no okupá e puesto di diputado di Sint Maarten. Wes a haña Laveist kulpabel pa tur 5 punto di akusashon, ku ta entre otro falsifikashon di dokumentu i manipulashon ku dokumentunan di entrada na Sint Maarten. Laveist a anunsiá mesora despues di e veredikto, ku e ta apelá e desishon.
