WILLEMSTAD - Kòrsou ta bai purba entre 18 pa 24 di mart pa klasifiká p’e kompetensianan di Junior Davis Cup i Junior Fed Cup. Den e siman aki lo tuma lugá na Repúblika Dominikana e Torneonan di Klasifikashon Hubenil pa Region di Norte/Sentral Amérika & Karibe. Kòrsou ta kompetí ku un ekipo femenino i un tim maskulino. E tènistanan hubenil ku lo representá Kòrsou, tres mucha muhé i tres mucha hòmber, lo subi riba dia 17 di mart trapi di avion direkshon pa Santo Domingo. Nan ta biaha bou di supervishon di Tennis Federation Curaçao (TFC). E ekipo maskulino ta bou di direkshon di entrenadó Louis van Rosberg, miéntras ku e tènistanan femenino ta bou di guia tékniko di Patricia Dijkhuizen. E tim di mucha muhé ku lo kompetí den e Torneo di Klasifikashon pa Fed Cup ta konsistí di Daynisja Ricardo, Zena Rigaud i Ashley van der Zee. E muchanan hòmber ku a keda selekshoná ta Malik Levens, Mitchell Servage en Niels van Dam. E ultimo hungadó aki ta biba i studia na Miami i e lo inkorporá e tim di Kòrsou na Santo Domingo. Tambe lo hasi e biahe pa Repúblika Dominikana presidente di TFC Roy Bottse. Durante dje torneonan di klasifikashon e lo sera konosí ku miembronan di direktiva di International Tennis Federation (ITF) i e lo hiba tambe kòmbersashonnan ku nan.
Tènistanan Hubenil en buska di klasifikashon pa kompetensianan Junior Davis Cup i Junior Fed Cup
- 21 February 2012
- administrator
Temporada di Siklismo ta kuminsá dia 26 awor ku Oost-West
- 21 February 2012
- administrator
WILLEMSTAD – Despues di un pousa di kuater luna, e temporada di Siklismo ta kla pa ranka sali atrobe. E temporada di Siklismo 2012 ta kuminsa e aña aki tambe ku e aktividat klásiko konosí komo: Oost-West ku ta organisá pa Curaçaosche Wielerbond (CWB). Na e kareda di Oost-West ku ta tuma lugá dia 26 di februari próksimo (i ta kuminsá 7:30 di mainta), tantu koredónan di Racefiets komo koredónan di Mountainbike por partisipá. CWB den e kuadro ei ta hasi un invitashon na tur koredó di baiskel pa inskribí nan mes pa partisipá na e kareda aki. E koredónan di Mountainbike i koredónan di Racefiets ta sali konhuntamente for di Mijnmaatschappij i ta pasa via di e kaminda pa bai Sta. Rosa, rotònde Brievengat, Gosieweg i bai Palu Blanku pa despues pasa via Rooseveltweg bai direkshon di Hato. Na altura di Aeropuerto e gruponan ta parti. E grupo riba Racefiets ta pasa via di Freezone i e Rotònde di Zegu bai Westpunt via e kaminda di asfalt. E grupo riba Mountainbike ta baha for di asfalt pa sigui su rumbo via di e parti konosi komo ‘Vlakte van Hato’. Na altura di San Pedro e grupo ta subi asfalt atrobe.
Lès di Rugby pa Damas bou di direkshon di Stephanie Goijla
- 21 February 2012
- administrator
WILLEMSTAD – Mañan djarason anochi entre 7or i 8or di anochi lo bai tin lès spesial di Rugby pa tur dama deportivo na Kòrsou ku kier purba e deporte di Rugby. Stephanie Goijla, ku dos aña pasá a biaha pa Ulanda pa su estudio, aktualmente ta na Kòrsou i lo bai duna un training spesial di Rugby pa Damas. Stephanie aktualmente ta hunga den e promé tim di e kampion nashonal di Ulanda AAC di Amsterdam. AAC aktualmente tin 11 dama ku ta den e selekshon nashonal di Rugby. Stephanie ta un di e talentonan ku tin un oportunidat grandi di keda den e selekshon olímpiko di e Tim Sevens di Rugby di Ulanda. Na 2009 Stephanie ku tabata hunga aki komo e úniko mucha muhé den e tim Wara Wara Curaçao Rugby Club i mas despues a bini mas damas.
Strip: Recordar y Vivir di Vòlibòl
- 17 February 2012
- administrator
Onderschrift:
Mirando ku pronto lo bai sali un buki riba historia di Vòlibòl lokal, awe nos ta trese dos foto di timnan ku a marka historia.
Foto 1:
Esaki ta e ekipo di vòlibòl Olympia na aña 1958 ku a partisipá den e promé kampionato femenino di CuVoBo.
Skèrpènè, Mahuma i Marquita a gana den futbòl segundo divishon
- 17 February 2012
- administrator
WILLEMSTAD - E kampionato di futbòl segundo divishon a kontinuá e siman aki ku tres partido.
Apesar di e ambiente di Karnaval, tòg e weganan a sigui na vèlt di FK na Brievengat.
Kòrsou a bira miembro di Federashon Panamerikano di Peso (Weightlifting)
- 17 February 2012
- administrator
WILLEMSTAD - Federashon di Peso di Kòrsou, ku den su struktura nobo yama Curaçao Body Building Weightlifting & Fitness Association (CBBWFA), a kontinuá ku ehekushon di su maneho pa re-aktivá i desaroyá Deporte di Hisa Peso riba tèrmino kòrtiku.
Resientemente CBBWFA a partisipá na e Kongreso di e Federashon Kontinental di Weightlifting kual aBente tuma lugá na Sto. Domingo.
Representante di Kòrsou, Sekretario General, sra. Ilse Lau-A-Kien, a risibí hopi atenshon debí ku ta mas ku 30 aña pasá ku Kòrsou a partisipá den un Asamblea Internashonal.
Gobièrnu di Kòrsou ta felisitá FeBeKo ku su afiliashon na CoPaBe
- 16 February 2012
- administrator
WILLEMSTAD - Gobièrnu di Kòrsou ku orguyo a tuma nota ku resientemente e Federashon di Beisbòl di Kòrsou, FEBEKO, a keda aseptá den e reunion di Confederación Panamerikano di Beisbòl, COPABE, ku a tuma lugá na siudat di Panamá, komo miembro kompletu di e organisashon aki.
Esaki despues ku e Federashon Internashonal di Beisbòl, IBAF, a adaptá su statutonan, ku a hasi nos afiliashon posibel.
Gobernador a kondekorá peloteronan di Kòrsou
- 16 February 2012
- administrator
WILLEMSTAD – Peloteronan di Kòrsou ku resientemente a gana Kampionato Mundial a keda kondekorá pa nan tremendo logro den “Ridder in de Orde van Oranje Nassau”. Mariekson Gregorius, Shairon Martis, Curt Smith, Diegomar Markwell i Arshwin Asjes a risibí nan kondekorashon for di man di Gobernador di Kòrsou, Mr. Frits Goedgedrag, den Palasio di Gobernador i den presensia di Promé-Minister Gerrit Schotte i Coach Ben Thijssen. Peloteronan Sharlon Schoop i Jonathan Schoop no por tabata presente. Nan lo risibí nan kondekorashon na un momentu mas despues.
Tremendo presentashon di ekipo di BMX, Pedal Pushers Cycling Club na Tampa
- 16 February 2012
- administrator
WILLEMSTAD - Den e wikènt di 9, 10,11 i 12 di febrüari e ekipo di BMX yamá Pedal Pushers Cycling Club a biaha pa Tampa, USA, pa kompetí na un kareda internashonal yamá GATOR NATIONALS ku tur aña ta atraé koredónan di BMX di rònt mundu.
E aña aki e kareda tabata èkstra drùk bishitá ku un total di alrededor di 1600 koredó pa motibu ku koredónan di rònt mundu ta trata di akumulá mas tantu punto posibel pa nan ranking i pa asin’ei klasifiká pa Olimpiada na London 2012.
Pedal Pushers Cycling club a biaha ku un selekshon chikí di 5 koredó di kual un di e koredónan ta e entrenadó.
