WILLEMSTAD - Dia 8 di febrüari próksimo, direktiva di R.K.V. FC Sithoc a konvoká un reunion general, segun artÃkulo 14 di su statutonan, ku lo tuma lugá den e sala di reunion den e edifisio di Federashon di Futbòl di Kòrsou na Brievengat.
E reunion ta planiá pa inisiá 7’or anochi (19:00).
Den kaso ku no tin kuorum pa e reunion di 7’or, e direktiva ta sera e reunion i habri esaki atrobe mitar di ocho (19:30).
E puntonan di agènda ta lo siguiente:
Apertura; 2. Partisipashon di direktiva; 3. Stipulashon di agènda; 4. Nótulonan di reunion general di aña 2005; 5. Relato di sekretario; 6. Relato finansiero; 7. Aprobashon di presupuesto; 8. Elekshon di un direktiva nobo; 9. Elekshon di komishon di kaha; 10. Turno liber i 11. Klousura.
Un yamada ta bai na tur esnan ku ta miembro di Sithoc pa yega i asina duna bo aporte pa un direktiva nobo.
Tur hende ku ta Sithoc i ke postulá nan mes komo kandidato tambe ta wèlkòm.
Por tuma kontakto ku Reggie Hato na telefòn 515-1072 i asina postulá bo mes.
Reggie Hato lo sòru pa esnan interesá risibà un formulario pa yena i postulá nan mes.
Un yamada ta bai na e fanátikonan kolegial ku pa un òf otro motibu a hala kita, pa nan bin bèk i asina duna un man.
