Kralendijk - Djadumingu último, Boneiru por a disfrutá di un karnaval ekselente. Esaki di akuerdo ku dirigentenan di Fukabo. Trabounan duru hasi dor di un direktiva di sinku persona, kompañá pa algun kolaboradó, a duna fruta pa demostrá mundu kompletu dikon Boneiru ta úniko, chikitu pero bibitu. Sr. Ibi Antonius danki pa e kaminda perfekto ku bo a pone nos ariba i di ta huntu ku nos na tur momentu. Den koperashon ku Kuerpo Polisial, nos a logra saka te na e momentunan aki tur marcha na tempu. Un danki ta bai pa e pueblo boneriano pa e sosten duna na Fukabo i sigur esnan ku a kere den Fukabo dor di duna nan aporte den kualke forma. Nos no por kaba gradisí, sin menshoná medionan di komunikashon lokal ku a hasi kobertura total pa awe nos por mira bek riba un éksito total. Tambe na medionan di komunikashon ku a bini djafó pa kubri nos karnaval pa mundu henter. Un karnaval manera esaki ta loke ku pa hopi aña Fukabo a bin ta traha pe. Shonnan ban mantené i huntu nos lo sigui krese. Boneiru danki, masha danki.
