ORANJESTAD – E proceso pa cuminsa renobacion di un scol ta dura hopi largo. Na mes momento e fondonan cu tin riba presupuesto no ta suficiente pa cubri tur e necesidadnan mester tin un proceso di renobacion y mantencion di scolnan.

Enseñansa merece mas atencion. Marisol Lopes Tromp a indica cu e tabata 4 aña Minister di Enseñansa. E la bin topa un situacion caminda cu cada Minister cu tabata prome cune a purba di haci algo pa enseñansa. E parlamentario a indica cu renobacion ta hopi dificil. Enseñansa ta encera mucho mas cu solamente renobacion dis col. Esey ta e parti cu tur hende ta mira y sinti.

Tin hopi otro area cu e tempo ey como minister mester pone atencion y fondo riba dje. Durante e periodo di Lopez Tromp e la indica cu nan a renoba un cantidad grandi di scol honestamente e la indica cu cu apesar di a renoba esaki no ta keda cla. Banda di renobacion e trabou ta mantencion continuo tambe. Pa e mantencion contiuo aki no ta cu no tin disponibilidad. Importante ta cu mester di fondo y e trabou mester cana den cierto procedura cu ta rekeri tempo.

Tempo cu tabata tin e miyones di Plant Nv cu a bin liber, a dicidi di dedica un gran parti di e placa aki na enseñansa. E tempo ey Marisol Lopes Tromp a indica cu e la pone enfasis riba e scolnan cu pa hopi aña no a haya ni un solo mantencion. La Salle ta un di e scolnan y Maria College cu tambe a merece esey. A scoge pa algun trabou grandi cu ta hopi urgente.

Tin varios otro scol cu mester di mantencion varios biaha pero constantemente. E sistema di presupuesto manera cu e ley ta y e proceduranan ta, sin bay contra di ley y sin bay contra ley di contabilidad no por mantene e demanda cu tin. Awendia mester di un proceso lihe na bienestar di e muchanan. Hopi biaha e trabou a cuminsa caba den un reunion, pero esunnan cu ta den e scol no ta biba esaki. E proceso pa cuminsa drecha un scol ta dura largo.

E fondonan cu tin den presupuesto di pais Aruba normalmente not a suficiente pa haci e trabounan aki den cuater aña y keda full cla cu nan. Awor aki tin Minister Dowers y aki dos aña y mei ta bin un Minister nobo di enseñansa of no despues di eleccion y ta bolbe haya e retonan aki. e proceso aki no ta uno di un biaha so, pero ta algo cu ta keda presenta su mes. No por drecha e scol un biaha y e la keda cla. E trabou di mantencion ta hopi importante. Mester tin e fondonan pa renoba e scol y tambe mester di e fondonan pa mantene e scol tambe despues di e proceso di renobacion.