joomla templates La Prensa

LIMA -  E prison den cual sospechoso den caso Natalee Holloway, Joran vd Sloot tabata sera pa mas di un aña, tin cu sera su portanan. Esaki segun e hunta di districto di San Juan de Lurigancho, na unda e prison ta ubica. Hunto cu e hunta, tin 300 organisacion cu ta haya cu e compleho di cel den e ciudad di Lima mester sera. E prison Lurigancho tambe den e mesun districto y unda cu e caso di vd Sloot a tuma lugar, mester sera. Motibo ta cu e estado den cual e prisonnan ta ubica ta hopi malo y tin chens grandi pa candela. Tin rebeldia constante den e prisonnan aki, y constantemente tin prisonnan ta scapa di e prisonnan aki.  E alcalde di e districto a haya tende di e hunta di districto pa cuminsa e proceso pa sera e dos prisonnan  aki y tin cu haci esaki via gobierno. Van der Sloot cu a wordo sentencia pa 28 aña di prison pa asesinato di Stephanie Flores, ta den prison Piedras Gordas den e parti mas norte di Lima. E instituto di prison a pone eynan despues cu television peruano a mustra imagen di vd Sloot cu e lo tabatin un iPhone y un television grandi. Mientrastanto e abogado Jose Jimenez a haci un peticion pa debolbe vd Sloot na e prison Castro Castro, argumentando cu e no ta un peliger pa otro prizoneronan y cu su castigo no ta definitivo, debi cu e tin un apelacion pendiente. . 

ORANJESTAD – Bon Dia Aruba a haya copia di e carta cu e comision di casonan penal a manda pa for di October 2010 pa presidente di Parlamento, drs. Paul Croes, cuestionando e cambionan cu kier haci den e Codigo Penal  en especial e autoridad pa haci investigacionnan (bijzondere opsporingsbevoegdheden) e asina yama BOB. Por nota cu e comision ta consisti entre otro di e señora di minister di Husticia Dowers. E carta aki ta consisti di 16 pagina caminda ampliamente e comision di casonan penal di Orden di Abogadonan ta cuestiona e cambionan cu Ministerio Publico kier haci. E comision ta reclama cu e cambionan cu kier haci ta un violacion grave di derecho di privacidad. E comision ta mustra cu aki no ta papia di derecho di privacidad di solamente e sospechoso cu lo ta investigando sino tambe personanan inocente cu no tin nada di haci cu e investigacion. E comision ta mustra riba e conocido caso Domino caminda claramente a keda constata cu Ministerio Publico a viola derechonan di privacidad y Hues tanto den e caso di Prome Instancia como Hof no a uza e pruebanan cu a saca door di uza aparatonan pa graba combersacion. A considera e pruebanan aki haya na forma ilegal. Awor kier introduci un forma caminda ta uza un infiltrante (spion) (undercover) cual tambe ta wordo condena totalmente.

ORANJESTAD—Hopi hende na Aruba ta haci prestamonan, sin realisa exactamente cuanto nan gasto ta. Consequementenan, ta tuma decisionnan basa riba percepcion cu por ta robes y na final, ta hinca hende den problema financiero. Segun Melany Tromp, Asistente Estadistico di Banco Central, a tene e encuesta basa riba un cuestionario y cu ayudo di entrevistadonan cu a para na diferente luga rond Aruba. A uza un metodologia pa saca afo un bista di e populacion basa riba e composicion di esnan entrevista. Cada encuestado a ricibi un lista segun caracteristica identifica, y asina tabatin pregunta diferente segun edad y tambe sexo. “E cuestionario a inclui pregunta riba productonan financiero, esta si e individuo tin un cuenta di spaar,” Tromp a bisa. Segun e analista, por haya un bista riba e comportacion financiero di individuonan basa riba e pregunta si nan ta busca pa e producto financiero cu nan ta mas confortabel cu n’e of ta djis acepta locual ta ofrece na nan. Di e forma aki por midi e nivel di conocemento riba productonan financiero, y asina determina e educacion financiero di comunidad di Aruba.

ORANJESTAD – Apesar di e bon ambiente di e gran parada di Carnaval na san Nicolas y hospitalidad cu ta caracter e pueblo carnavalesco di pariba di brug, tabatin algun incidente cu a demanda cu polis mester  interveni cu man duro. Ta asina cu varios detencion a cay durante e celebracion di e parada aki, un mayoria di nan tabatin di haber cu buracheria. Te hasta nan a tuma den beslag un machete grandi y frustia for di un persona cu sigur no tabatin un bon intencion cune.

ORANJESTAD: Diahuebs atardi a cuminsa e tratamento di e cambionan cu mester wordo haci den Wetboek van Strafvordering di Aruba pa loke ta trata "Bijzondere opsporingsbevoegdheden". E ley aki ta wordo implementa pa tur partner den Reino Hulandes y na e siguiente reunion di Ministernan di Husticia di Reino cu lo tuma luga na Aruba na juni 2012 lo discuti e topico aki atrobe, ora cu tur partner a introduci e ley.

E BOB-wet, manera e ta wordo yama, ta provee pa polisnan por uza metodonan mas moderno y tecnicanan diferente durante investigacionnan. E ley aki ta regula tapmento di telefon, infiltracion - conoci como trabao "undercover", y otro metodonan y tecnologia. Entre otro e ley lo duna un dimension nobo na hopi investigacion, como tambe lo duna mas oportunidad pa Cuerpo Policial y Ministerio Publico profundisa y refina e investigacion y adkiri e cantidad y calidad di prueba necesario pa por combati crimen miho. Particularmente den caso di crimen organisa cu ta dispone di hopi placa y ta move hopi lihe, e ley aki ta duna Cuerpo Policial y Ministerio Publico mas espacio pa traha.

WILLEMSTAD -- Ministerio Publico y Cuerpo Policial di Aruba ta informa cu lo tene accion di listramento preventivo durante e ultimo dianan di Carnaval 2012. E accion di listramento preventivo a cuminza awe diaranzon 15 di februari 2012 pa 18.00’or di anochi y lo dura te diamars 21 februari 2012 pa 06.00’or di mainta.

E ta cubri e siguiente actividadnan y locacionnan:

ORANJESTAD: Despues cu aña pasa un fenomeno di naturaleza a destrui Sint Annaschool na Noord, hopi atencion a wordo duna na e consecuencianan cu stof di asbest por tin ariba salud di hende. Si un persona inhala e stof aki e por haya complicacion na su pulmonnan y e cancer di pulmon mesothelioma.

Dienst Technische Inspectie (DTI) a constata cu un porcion grandi di comunidad di Aruba no ta consciente con pa trata cu asbest, ni kiko e consecuencianan por ta si no pone atencion special na e forma cu nan ta trata cu e material aki. E conclusion tabata cu mester bin cu un protocol y pa cuminsa e proceso lo ta bon pa cuminsa na ofrece e stakeholdernan of partnernan principal un curso ariba e topico "Asbest Herkenning".

Continuacion di pagina 1

Segun su declaracion den e vespertino Amigoe, Anthony ta confirma cu tin un total di  200 contratista so trahando na e refineria, for di e total di 1000 cu tabata traha antes. Algo cu Day a confirma na BONDIA ARUBA aunke no a haci mencion di cifranan exacto. Den pasado caba Day a mustra BONDIA ARUBA riba e hecho aki y cu no tin motibo di bati alarma.